其實一早係10月學校已經收左小朗讀K1am....但係上個月E生suggest我地俾小朗讀全日班(對佢幫助大D)~咁我就問學校全日班有無位喇~點知果陣時佢果全日班full晒喇~有位ge機會都好渺茫~但係一星期後學校打俾我有位wo~真係好開心呀~原本以為無希望讀全日咖嘛~今次真係"天助我也"喇!!!!!
但係我都唔捨得小朗讀全日班咖~我怕佢適應唔到~我平日要陪佢瞓先瞓到咖嘛~唔知佢係學校自己瞓唔瞓呢~咁平時係屋企自己唔"不"晒D飯食~我會餵佢食晒咖嘛~如果係學校唔食唔知會唔會餓親呢~希望返學後一切順利喇~
呢日亦都有約大細孖仔&大細媽一齊食lunch去公園玩~玩得好開心~希望下次又可以一齊過喇~
我見到大細媽一個人照顧兩個都幾吃力~之前我同老公講唔會咁快生第二件~雖然有微言~但希望會體諒我喇~我而家都好吃力唷!!!!
