K1的第3個星期(13/9-17/9)

今個星期先開始返全日班(9:00-4:15)~不過老師話阿仔係呢5日都唔瞓午睡...老師話食野都乖肯自己食~不過見阿仔無瞓午睡放學果陣個樣好攰~
PS.我會買定個包放學俾阿仔食~阿仔次次係搭巴士途中食得好快~唔知係咪係學校食得唔夠呢~定係我係屋企俾得太多佢食呢.....

K1的第2個星期(6/9-10/9)

今個星期返3個中~因為係全日班~所以食埋LUNCH十二點先放學~今個MONDAY返學已經無喊喇~尋日WEDNESDAY小朗係最叻仔(聽老師講)~因為MonDAY & TUESDAY LUNCH食左少少咋~尋日就自己食晒d飯飲左好多湯同埋自己meet蕉食tim~不過老師同我講阿仔食完飯~可能知就黎有媽咪接放學~喊住叫媽咪~到我去到課室門口見到小朗~佢又見到我~坐住係張登度飲泣喊等老師叫佢名~無鼓譟到~好搞笑呀情景!!!

K1的第一個星期(30/8-3/9)

上星期GE星期一,二,三係媽咪陪返學~星期一個流程有"玩玩具時間"...之後男一行女一行咁去禮堂跳早操舞~之後去TOILET排洗~返課室食茶點就放學喇~星期二GE流程都差不多~不過早操舞後多左個玩大家一齊找住塊彩色布係度FING~之後放個BALL上去~FING塊布郁個BALL~小朗好中意玩呢個GAME~星期三呢~老C話叫家長試下唔好陪小朋友~等佢地習慣下~因為之後果日要小朋友自己返喇~不過小朗知我係度~我走開一邊~等佢自己跟住老師做喇~但係小朗一唔見我就喊住周圍搵我喇~老師講故事ge時侯唔肯坐定定~係都要我陪先好d~星期四五~小朗要自己返學入課室上堂喇～不過我同小朗係學校門口分別ｇｅ時候～小朗就喊喇～想走出黎唔俾我走咁樣～就俾校長抱左入去喇～我見到佢喊２，３個字左右就無事喇～跟住老師一齊上堂喇～老師都話佢呢兩日都幾乖咖la!!!