阿仔第一日返K1~

媽媽期待左好耐GE K1~阿仔終於返學喇~原來阿仔返學都會令媽咪緊張到瞓唔著覺咖~做左人媽咪先知~有少少野都精神緊張呀~個3日返學可以有媽咪陪~雖然係第一個星期返1個中~俾佢適應都唔錯~由於小朗七點起左身~所以早啲出發去左大快活食埋早餐喇~一返到去學校就搵自己GE班房~玩下玩具WARM UP先~之後去禮堂做早操舞~不過阿仔唔係好識做~媽咪就捉住小朗手仔一齊做~期間小朗見到D玩樂設施一直嚷著要玩~好不容易媽咪哄他說要聽老師話~一齊跳舞~唔可以玩住~我發覺有媽咪係身邊就會依賴我~黏住我~又扭計D~都唔係好肯參與其中~希望無媽咪夠返學GE日子~會學會服從老師和守規矩喇~之後返回課室食包包茶點~好叻仔食晒~仲飲晒啲水~我教佢要同老師講唔該~我怕我唔陪佢返學時~佢唔記得要講~我諗客氣說話無人會嫌多GE~至於佢新識左幾個同學仔~他熱情到摸人塊面同手~仲係好肉緊果隻(不過係男同學WO,,,如果係女同學D媽咪可能唔LIKE咖嘛)~D同學仔都俾小朗摸到忟忟喇~我同小朗講唔可以咁大力~會整痛同學仔咖~之後佢收歛左D喇.....食完茶點派埋書包同點名就放學喇~~~總括今日小朗都係好開心同雀躍咖~小朗KEEP ON~ENJOY YOUR SCHOOL LIFE AR~

去大細孖哥哥屋企玩

10/8
呢一日同呢兩位哥哥同埋EE飲完茶~我就同埋媽媽去佢地屋企喇~介紹下我地點同佢地相識GE先~係上年九月有一次我同a仔去某一間幼稚園報名~我見到呢兩個哥哥同埋佢地ge mama~傾下傾下之後好似係下一次見面就交換左電話~於是我地就間唔中約出黎食飯or飲茶傾下計~真係要多謝大細孖mama次次都唔介意一帶二出黎同我地見面~其實我都會驚呢位mama好辛苦~難得佢話唔緊要~仲次次都應約tim~仲要多謝ee呢日送左一本有得玩又有得貼ge貼紙書呀~不過mama無準備禮物俾兩個哥哥tim~下次mama唔會咁失禮咖喇~

左上圖片:難得ge合照~左一ge係大孖哥哥~中間果個係細孖哥哥~

雖然佢地係孖仔但唔同樣~但係都好可愛呀~大孖哥哥比較豪邁~

小朗摸下佢都唔太中意~走開左...........

之後小朗就摸細孖哥哥~細孖哥哥比較friendly~

小朗點摸佢塊面同隻手~佢都唔介意~

淨係同佢mama講話小朗摸到佢好痕~haha

小朗去到大細孖哥哥屋企超雀躍~佢地ge新居真係好大~同我地屋企真係蚊同牛比呀~

小朗開心到周圍走咁~好開心佢地邀請我地去佢地屋企~雖然小朗同兩個哥哥無乜交流~

唔係好識同人玩~可能要等小朗番左學之後識講多d野先會玩得熟絡d喇~