返K1的改變

阿仔返左K1最GE大改變係
1)說話方面:我想大槪返左3個星期K1~講野叻左好多~我講咩佢而家都好快可以跟到講~返學之前跟唔到咁快~同埋講到成句句子>>>>當然如果我同老公講左D唔好GE野佢都可以好快跟住講到~所以要慎言呀~好似我上次話老公白痴~阿仔即刻跟住講到~我同老公講你見到喇~唔係咩都可以講咖~俾阿仔係屋企學到D唔好GE說話出去講真係不得了呀~從呢次起我就收口喇~我唔想阿仔係1個無家教GE小朋友~如果係屋企講開左學左出去同人講連阿仔自己都唔知講咩係唔好咖嘛~仲有阿仔係學校學到D歌仔番黎唱俾我聽~之後仲做埋動作~好得意囉!!!而家係屋企成日講學D野~同學夠~講各位老師請食午餐~各位同學請食午餐~唔該XX老師唔該EE~

2)我問老師阿仔係學校有無禮貌呀~老師話佢好有禮貌~成日唔該老師咁~因為我見佢返左學之後返到黎屋企對我好有禮貌~我幫佢做咩佢都同我講唔該媽咪~連爸爸包野飲野俾我阿仔都會幫我同佢爸爸講唔該~講得仲快過我~

3)我問老師阿仔係學校食飯乖唔乖呀~老師話佢係學校都可以坐定定食野~咁就好喇~係學校都要3餐咖嘛~唔知點解係屋企食野咁坐唔定~唔通MAMI好蝦D~

4)返左學好中意睇學校GE書~一早起床就話要睇書喇~佢好中意寫字~而家可以累積到寫到23個英文字母~我覺得小朋友真係迫唔黎~佢中意GE佢會自己自動自覺去做~好似寫字咁佢都係自己有興趣寫加上我又要教下佢~佢就愈寫愈多喇

5)好搞笑~阿仔學校有外籍男老師~阿仔見到佢會自動轉CHANNEL~同佢講GOOD MORNING GOODBYE~會同佢GIVE ME 5~

6)我上星期聽到老師同我講小朗記得到成班同學D名~我好SUPRISE~原來阿仔D記性都唔錯~

心情開始好轉了

小朗由19/9開始咳~到今日為止~食左22日西藥~期間好番過一日~之後又咳又有鼻水~到今日仍然有鼻水~無乜咳~我要再觀察下仲有無咳先....仔呀仔~媽咪知你呢輪真係好辛苦喇~希望快D好番晒喇~阿仔~媽咪覺你真係好乖呀~食左咁日藥你都肯乖乖地食~無點扭計唔食~媽咪見你咁乖反而更覺肉赤~有左阿仔令我覺得自己GE生命唔係最緊要~阿仔係第一GE重要位置~我諗我會係愛子如命GE~咳左咁耐~尋日同左阿仔去照肺X-RAY~THANKS GOD~幸好無事~我記得阿仔上年都有咳左個幾月~期間都有去照肺X-RAY~但係上年阿仔超難搞~要我同另一個化驗所職員用力按住阿仔係張床上~用條大GE橡筋帶綁住係床上先照到咋~一年之後GE昨天~話俾D野食佢揸手~佢就乖乖定定地俾人照左喇~大個左真係"爭"好遠咖.......
仲有一樣乖野~我同老公好多時會飲LEMON TEA&綠茶~因為阿仔咳~我地堅決唔俾佢飲~阿仔見我地唔俾佢飲同佢講咳咳唔飲得~佢都好似明白事理~無點扭計話飲~當阿仔見到我地拎野出黎飲GE時候>>阿仔仲會自己講: 咳!!唔飲得~好番飲......
好感動孖仔媽咪打黎問阿仔點......阿仔都有D EE係關心你咖~

K1的第4個星期(20/9-24/9)

由於小朗病左~太唔舒服~無返一日學~有一日3號波~有一日係中秋節翌日假日~所以呢個星期只係返左2日學~中秋節果日22/9~雖然小朗佢仲食緊藥~但係精神唔錯~我都俾佢返學感受下中秋係學校有咩活動~學校話自己可以帶個燈籠返學校~我買左個鬆弛熊燈籠俾阿仔~我見到個個小朋友拎住個燈籠返學好有氣氛呀~有個綵花燈活動~由於我果日返學校幫手切月餅同水果~暗地裡睇下佢地做咩~見到閂晒燈老師帶所有同學扮賞月~我見到覺得好得意~到返學ge時候~我問老師肯唔肯小朗食藥~老師話佢肯食~真乖~mami有d擔心俾學校餵藥小朗唔知係學校肯唔肯食藥~同埋呢日開始係學校瞓到喇~24/9呢日係學校無乜特別呀~但係放左學同小朗去睇9月ge第3次西醫......